BQO-da 238 myńǵa jýyq adam koronavırýsqa qarsy ekpe saldyrdy

ORAL. QazAqparat – Batys Qazaqstan oblysynda 237 875 adam koronavırýsqa qarsy vaktsınanyń birinshi komponentimen egildi, dep habarlaıdy QazAqparat tilshisi.

BQO densaýlyq saqtaý basqarmasynyń baspasóz qyzmeti málim etkenindeı, bul – egilýge tıisti turǵyndardyń 57,4 paıyzy.

Sondaı-aq 216 287 adam ekinshi komponentti qabyldap úlgerdi.

Ótken táýlikte 626 adam vaktsınanyń birinshi komponentimen egilse, sonyń 45-i – sozylmaly aýrýy bar turǵyndar.

Óńirde vaktsınatsııalaý jumysy odan ári jalǵasýda.

Basqarma málimetine qaraǵanda, sońǵy táýlikte 9 adamnan koronavırýs anyqtalsa, 215 naýqas jazylyp shyqty.

Sońǵy aptada aldyńǵymen salystyrǵanda, aýrý juqtyrý kórsetkishi 7 paıyzǵa tómendedi.

Qazirgi kezde 422 adam ambýlatorlyq em alyp jatsa, 176 naýqas ınfektsııalyq statsıonarlarda. Sonyń ishinde 18-i aýyr halde. Degenmen olardyń arasynda ınvazıvti jasandy tynys alý apparatyna qosylǵandar joq.

Eske sala keteıik, budan buryn BQO-da birinshi toqsanda 780 oqýshydan koronavırýs anyqtalǵanyn, qazan aıynda 1500-ge jýyq adamnyń aýrý juqtyrǵanyn jazǵan bolatynbyz.