BQO-da 235 myńnan astam adam koronavırýsqa qarsy ekpe aldy
ORAL. QazAqparat – Batys Qazaqstan oblysynda 235 143 adam koronavırýsqa qarsy vaktsınanyń birinshi komponentimen egildi, dep habarlaıdy QazAqparat tilshisi.
BQO densaýlyq saqtaý basqarmasynyń baspasóz qyzmeti málim etkenindeı, óńirde barlyǵy 414 389 adam egilýi tıis bolsa, bul – sonyń 56,7 paıyzy.
Sonyń 213 188-i ekinshi komponentti qabyldady.
Oblys ortalyǵy Oral qalasynda 224 092 adamnyń 121 613-i birinshi komponentpen egildi.
Ótken táýlikte 720 adam birinshi komponentpen egilse, sonyń 53-i – sozylmaly syrqaty bar adamdar.
Basqarma málimetine qaraǵanda, sońǵy táýlikte 47 adamnan koronavırýs anyqtalsa, 61 naýqas saýyǵyp shyqty.
Pandemııa bastalǵannan beri 38 736 adam aýyryp, 31 958-i jazylyp shyqty. 808-i kóz jumdy.
Jyl basynan beri tirkelgen 29 515 naýqastyń 20 374-i – aýrý belgisi bar adamdar.
Bıyl syrqattanǵan 2870 balanyń 2808-i emdelip boldy. 62-si saýyǵý ústinde.
Sońǵy aptada aldyńǵymen salystyrǵanda, indet juqtyrý kórsetkishi 4,6 paıyzǵa tómendedi.
Oblys boıynsha 685 adam ambýlatorlyq em alýda. 219 naýqas statsıonarlarda jatsa, sonyń 22-si aýyr halde. Olardyń arasynda ınvazıvti jasandy tynys alý apparatyna qosylǵandar joq.
Eske sala keteıik, budan buryn BQO-da koronavırýs juqtyrǵandardyń deni vaktsına almaǵandar ekenin jazǵan bolatynbyz.
