BQO-da 235,5 mln teńgege segiz joba maquldandy

ORAL. QazAqparat - Óńirlik úılestirý keńesiniń otyrysynda azyq-túlik taǵamdaryn óndirý, kólik qyzmeti, mektepke deıingi bilim berý jáne saýda salasyn damytý baǵytynda jańa jobalar talqylandy, dep habarlaıdy «QazAqparat» tilshisi.

Jıyn qorytyndysynda «Bıznestiń jol kartasy - 2020» biryńǵaı baǵdarlamasynyń birinshi jáne ekinshi baǵyttary aıasynda 235,5 mln teńgege segiz joba maquldandy. Atap aıtqanda, paıyzdyq mólsherlemeni sýbsıdııalaý boıynsha jabdyq alý, beınebaqylaý men órt dabylyn ornatý, balabaqshada jyljymaıtyn múlikti jóndeý, taýar alý úshin aınalymdyq qarjyny tolyqtyrý, repetıtorlyq ortalyq ǵımaratyn salýǵa jer telimin alý, júk tasymaldaý úshin avtokólikke qol jetkizý, naýbaıhanaǵa qajetti ǵımarat alýǵa qoldaý kórsetildi.

Aıta keteıik, atalmysh baǵdarlama aıasynda 2010-2017 jyldary óńirde 88 mlrd teńgege 744 joba qoldaý tapsa, sonyń 285-i (30,9 mlrd teńge) aýyldyq jerlerde.