BQO-da 22 jastaǵy jigit kólikpen ózenge batyp ketti
ORAL. QazAqparat – Batys Qazaqstan oblysynda 22 jastaǵy jolaýshy avtokólikten shyǵa almaı, ózenge batyp ketti, dep habarlaıdy QazAqparat tilshisi.
BQO Polıtsııa departamentiniń resmı ókili Bolatbek Belgibekovtiń málim etkenindeı, qaıǵyly oqıǵa 9 sáýir kúni Báıterek aýdanynda boldy.
Saǵat 00.30-da ıAnvartsev pen Krasnoarmeısk aýyldary mańynda 26 jastaǵy júrgizýshi dala jolymen kele jatyp, «Nıssan Premera» avtokóliginiń rýline ıe bola almaı qalǵan. Sonyń saldarynan aýdarylǵan kólik Jaıyq ózenine túsip ketken.
Jol apatynan jolaýshy, Oral qalasynyń 22 jastaǵy turǵyny avtokólikten shyǵa almaı, sýǵa batyp ketti.
Onyń múrdesi sýdan shyǵarylyp, sot-medıtsınalyq saraptamaǵa jiberildi.
«Osy oqıǵa boıynsha QR QK-niń 345-babyna sáıkes qylmystyq is qozǵalyp, tergeý amaldary júrgizilýde», - dedi QazAqparat tilshisine B.Belgibekov.
