BQO-da 200-ge jýyq memlekettik qyzmetshi ústeme jumysqa negizsiz tartylǵan
ORAL. KAZINFORM — Batys Qazaqstan oblysynda ústeme jáne artyq jumysqa tartý derekterin anyqtaý maqsatynda jyl basynan beri 118 memlekettik organǵa monıtorıng jumystary júrgizildi.
Memlekettik qyzmet isteri agenttigi BQO boıynsha departamentiniń basshysy Murat Baısalovtyń málim etkenindeı, sonyń nátıjesinde 194 memlekettik qyzmetshiniń ústeme jumysqa negizsiz tartylǵany anyqtaldy.
Murat Seıilbekulynyń sózine qaraǵanda, olarǵa quqyqtaryn qalpyna keltirý maqsatynda 840 saǵat demalys ýaqyty usynyldy.
Sonymen qatar memlekettik qyzmetterdiń sapasyn baqylaý da udaıy nazarda.
— Departamentpen júrgizilgen baqylaý is-sharalary nátıjesinde 27 963 (tekserýlerge sáıkes — 16 842, monıtorıng nátıjeleri boıynsha — 11 121) buzýshylyq belgili boldy. Kórsetiletin memlekettik qyzmetter boıynsha eń kóp zańbuzýshylyq aýyl sharýashylyǵy (14 953, 53,4 paıyz), densaýlyq saqtaý (7 917, 28,3 paıyz), jer qatynastary (311, 1,1 paıyz) salasynyń úlesine tıedi, — dedi M.Baısalov.
Onyń aıtýynsha, departamentke qyzmet alýshylardan memlekettik qyzmet kórsetýdiń sapasyna qatysty 155 shaǵym kelip túsken. Qabyldanǵan sharalardyń nátıjeleri boıynsha 25 shaǵymda kórsetilgen dálelder rastalyp, qyzmet alýshylardyń buzylǵan quqyqtary qalpyna keltirildi.
Eske sala keteıik, budan buryn BQO-da 21 memlekettik qyzmetshiniń teris sebeptermen jumysynan bosatylǵanyn jazǵan edik.
Sondaı-aq BQO-da avtokólikke masań kúıde otyrǵan aýyl ákimi qyzmetinen ketkeni belgili boldy.
