BQO-da 20 myńnan astam adamdy jumyspen qamtý sharalaryna tartý kózdelýde
ORAL. QazAqparat - Batys Qazaqstan oblysynda bıyl 20 myńnan astam adamdy jumyspen qamtý sharalaryna tartý kózdelýde, dep habarlaıdy «QazAqparat» tilshisi.
Oblys ákimi Altaı Kólginovtiń aıtýynsha, 8 myńdaı adam bos jumys oryndaryna ornalasatyn bolady. 4 myńnan astam adam kásibı bilim alsa, 400-den astamy nesıeler men granttarǵa qol jetkizbek.
2017 jyly jumyspen qamtý salasynda keshendi baǵdarlamalarmen 27500 adam qamtyldy. 14 myńnan astam jumys oryndary ashylsa, sonyń 11 myńnan astamy - turaqty. Bul 2016 jylmen salystyrǵanda, 2 myń jumys ornyna kóp.
«Jalpy, 2018 jyly atqarylatyn jumystar Elbasynyń bıylǵy Joldaýyndaǵy basym baǵyttar boıynsha júzege asyrylatyn bolady. Mysaly, ındýstrııalandyrý turǵysynan taǵy jeti jobany engizýdi josparlap otyrmyz. Bul is sátti oryndalǵan jaǵdaıda qosymsha 150 jumys orny ashylady», dedi óńir basshysy.
