BQO-da 20 myńnan astam adam jumysqa ornalastyrylady
ORAL. QazAqparat - Batys Qazaqstan oblysynda bıyl 20269 adam jumyspen qamtylmaq, dep habarlaıdy «QazAqparat» tilshisi.
BQO jumyspen qamtýdy úılestirý jáne áleýmettik baǵdarlamalar basqarmasynyń basshysy Qalııar Aıtmuhambetovtiń óńirlik kommýnıkatsııalar qyzmetinde málim etkenindeı, sonyń ishinde bos jumys oryndaryna 7777 adam jiberilmek. Sondaı-aq memlekettik jáne úkimettik baǵdarlamalar aıasynda júzege asyrylatyn jobalar boıynsha - 487, qoǵamdyq jumystarǵa - 5067, áleýmettik jumys oryndaryna - 770, jastar tájirıbesine 1314 adamdy ornalastyrý kózdelýde. Oǵan qosa 4481 adam kásiptik oqytý, qaıta daıarlaý men biliktiligin arttyrýǵa joldanbaq.
Bıylǵy 1 qańtarǵa 27526 adam jumyspen qamtýdyń belsendi sharalarymen qamtyldy. Ótken jyly memlekettik baǵdarlamalar aıasyndaǵy jobalar arqyly 4470 jańa jumys orny ashylyp, 1119 adam jumyspen qamtý ortalyqtarynyń joldamalary arqyly eńbek ornyn tapty.
Jalpy, 2017 jyly 11927 jańa jumys ornyn ashý josparlansa, ol 14269 bolyp oryndaldy. Sonyń 10896-sy nemese 76,4 paıyzy - turaqty.
Aıta keteıik, 2017-2020 jyldarǵa arnalǵan Nátıjeli jumyspen qamtý jáne jappaı kásipkerlikti damytý baǵdarlamasy aıasynda oblysqa ótken jyly 3,5 mlrd teńge bólindi. Sonyń ishinde baǵdarlamanyń ekinshi baǵyty - jappaı kásipkerlikti damytý baǵytynda 2 mlrd 326,8 mln teńge qaralyp, sonyń 1474,0 mln teńgesi aýyl, 852,8 mln teńgesi qala turǵyndarynyń shaǵyn nesıe alýyna baǵyttaldy. Bıylǵy 1 qańtarǵa deıin barlyǵy 327 adam 1 mlrd 773,5 mln teńge kóleminde shaǵyn nesıe alýǵa qol jetkizdi.
