BQO-da 2 úıge qarǵyn sý kirip, jıhazdar jaramsyz bolyp qaldy
ORAL. QazAqparat - Aqsaı qalasyna qarasty Qyzyltal shaǵyn aýdanynda bir aýlada ornalasqan eki úıge qarǵyn sý kirdi, dep habarlaıdy QazAqparat tilshisi.
Oqıǵa keshe bolǵan. Jetkin Ǵaınıevtiń ózi turatyn úlken úıdiń kireberisi men as bólmesine sý kirgen. Al balasy Altynbek pen kelini turatyn shaǵyn úıdi sý túgel alyp ketken. Kóterip úlgermegendikten, jıhazdary men turmystyq tehnıkalary jaramsyz bolǵan.
Osy mańdaǵy barlyǵy tórt aýlaǵa sý tolǵan.
Aqsaı qalasy ákiminiń mindetin atqarýshy Amangeldi Toǵyzbaevtyń aıtýynsha, habar kelgen boıda sý kirgen úıge arnaıy brıgada barǵan. Arnaıy tehnıkalardyń kómegimen sý sorylyp qana qoımaı, sol mańdaǵy sýdyń baǵyty ózgertilip, basqa arnaǵa jiberildi. Bir aıta ketetin jaıt, atalǵan úı irgetasynsyz salynǵan, sondyqtan aýlada jınalǵan sý kirgen.
Qazirgi kezde arnaıy komıssııa qurylyp, kelgen shyǵyn eseptelýde. Onyń qorytyndysy keıin belgili bolady.
