BQO-da 2 kólik soqtyǵysyp, bir adam qaza tapty
ORAL. QazAqparat – Batys Qazaqstan oblysynda qos jeńil avtokólik soqtyǵysyp, bir adam qaza tapty, dep habarlaıdy QazAqparat tilshisi.
Oqıǵa 25 tamyz kúni Oral-Aqtóbe joly boıynda Terekti aýdany Jańaómir aýyly tusynda boldy.
Oblystyq densaýlyq saqtaý basqarmasynyń baspasóz hatshysy Aınagúl Saqposynovanyń aıtýynsha, jedel járdem saǵat 11.20-da shaqyryldy.
Jol apaty saldarynan eki adam zardap shekti. 1938 jylǵy er adam jedel járdem kelgenge deıin kóz jumdy. 2007 jylǵy bala jaraqat almaǵan, onyń tizesi kógergen. Oǵan alǵashqy medıtsınalyq kómek kórsetilip, ambýlatorlyq baqylaýǵa jiberildi.
Qazirgi kezde oqıǵanyń jaı-japsary anyqtalý ústinde.
