BQO-da 2 adam kóligimen ózenge batyp ketti
ORAL. QazAqparat - Batys Qazaqstanoblysynda eki adam avtokólikpen ózenge batyp ketti, dep habarlaıdy QazAqparat tilshisi.
Qaztalov aýdandyq Tótenshe jaǵdaılar bóliminen alynǵan málimetke qaraǵanda, qaıǵyly oqıǵa keshe saǵat 14.00 men 15.00 aralyǵynda Aqpáter aýyly tusynda bolǵan.
1979 jáne 1981 jyly týǵan eki turǵyn «AýdıA6» avtokóligimen Qaraózende muzdyń ústimen ótemin dep batyp ketken. Kóp uzamaı olardyń deneleri sýdan shyǵaryldy.
Qazirgi kezde oqıǵanyń jaı-japsary anyqtalý ústinde.
