BQO-da 2 649 mln. teńgeni quraıtyn 421 nysan jarııa etildi

ORAL. QazAqparat - Batys Qazaqstan oblysynda 2014 jyldyń 1 qyrkúıeginen bıylǵy 30 qarashaǵa deıin múlikti jarııa etý jónindegi komıssııalarǵa jalpy quny 3 718,9 mln. teńgeni quraıtyn 655 ótinim (sonyń 311-i turǵynjaılar, 344-i turǵyn emes jaılar boıynsha) tústi, dep habarlaıdy QazAqparat tilshisi.

BQO qarjy basqarmasy kommýnaldyq múlikti basqarý bóliminiń basshysy Jeńis Nyǵmetýllınniń aıtýynsha, sonyń ishinde  2 649 mln. teńgeni quraıtyn 421 nysan (181-i turǵynjaılar bolsa, 240-y - turǵyn emes kommertsııalyq oryndar) jarııa etildi. 1 026,0 mln. teńgeni quraıtyn 161 ótinim keri qaıtaryldy. 73 ótinim bıylǵy jyl sońyna deıin qaralyp, tıisti sheshim qabyldanatyn bolady.

Jarııa etilgen nysandardyń ortasha quny - 6,3 mln. teńge.

Atalmysh naýqan barysynda múlikti jarııa etý boıynsha túsinik alý úshin 6155 azamat komıssııalarǵa júgindi.

«Elbasynyń «100 naqty qadam» Ult josparynyń 41-qadamynda múlik pen qarjyny zańdastyrý rásimderin ońaılatý, qoldanystaǵy zańǵa ózgertýler men tolyqtyrýlar engizý kózdelgeni belgili. Osyǵan oraı bıyl múlik pen qarjyny zańdastyrýdy retteıtin birqatar zańnamalyq aktilerge tıisti ózgerister engizildi. 2014-2015 jyldary oblys boıynsha 248 múlik jarııa etilse, bıyl 9 jeltoqsanǵa deıin 173 múlik jarııalanǵan. Jyl aıaǵyna deıin taǵy 73 ótinim qaralatyndyǵyn eskersek, zańnamaǵa engizilgen ózgeristerden keıin turǵyndar belsendiliginiń artqanyn baıqaýǵa bolady. Ásirese, osy naýqanǵa jergilikti halyqtyń belsendi qatysýyn jetkilikti deńgeıde uıymdastyrǵan Bórli, Qaztalov, Syrym aýdandary men Oral qalasy ákimdikterin atap ótýge bolady. Al Jańaqala, Bókeı ordasy jáne Qaratóbe aýdandarynda múlikti jarııa etý boıynsha eń tómengi kórsetkishter tirkelip otyr», dedi J.Nyǵmetýllın.