BQO-da 2,4 tonna balyqty zańsyz tasymaldaǵan eki avtokólik ustaldy
BQO polıtsııa departamentiniń baspasóz qyzmeti málim etkenindeı, atalǵan qylmys «Bekire» jedel aldyn alý is-sharasy aıasynda anyqtaldy.
Oral-Atyraý joly boıynda Aqjaıyq aýdany Aqsýat aýyly mańynda 1976 jylǵy júrgizýshi aıdap kele jatqan «Gazel» avtokóligi toqtatyldy. Ol 1298 kg qara balyqty zańdy qujattarsyz alyp kele jatqan.
Sondaı-aq 14 sáýir kúni saǵat shamamen 20.00-de Terekti aýdany Podstepnyı aýylynda salynyp jatqan úıdiń aýmaǵynda 1991 jylǵy júrgizýshiniń avtokóligi ustaldy. Bul avtokólikten tıisti qujattary joq 1 168 kg qara balyq shyqty.
Tárkilengen balyq pen ýyldyryq «Kaspıı Ýral» JShS-na saqtaýǵa tapsyryldy.
Qazirgi kezde eki oqıǵa boıynsha QR QK 196-baby 1-bóligine (kórineý qylmystyq jolmen tabylǵan múlikti ıemdený nemese ótkizý) sáıkes sotqa deıingi tergeý amaldary júrgizilýde.
Eske sala keteıik, budan úsh kún buryn Batys Qazaqstanda 2,5 tonna balyq tıep kele jatqan avtokólik ustalǵan.