BQO-da 19 jasar jigit sýǵa ketip, qyz bala qutqaryldy
ORAL. QazAqparat - Batys Qazaqstan oblysynda 19 jastaǵy jigit sýǵa ketip, qyz bala qutqaryldy, dep habarlaıdy QazAqparat tilshisi.
BQO TJ departamentiniń baspasóz qyzmetinen túsken málimetke qaraǵanda, oqıǵa 1 maýsym kúni boldy.
Báıterek aýdanynda jasandy sý qoımasyna jabdyqtalmaǵan jerden túsken 2000 jylǵy jigit saǵat 17.30-da batyp ketken. Marqumnyń denesin 4 qutqarýshy 1 tehnıkanyń kómegimen saǵat 19.10-da sýdan shyǵardy.
Ekinshi oqıǵa Oralda qalalyq mádenıet jáne demalys saıabaǵynda boldy. Eki qutqarýshy bir júzý quralymen Shaǵan ózeninde saǵat 20.18-de tereń sýǵa batyp bara jatqan 2009 jylǵy qyzdy alyp shyqty. Oǵan alǵashqy járdem kórsetildi.
Eske sala keteıik, budan buryn Oralda bozbalanyń sýǵa ketkenin, batyp bara jatqan 5 jasar qyz balanyń qutqarylǵanyn jazǵan bolatynbyz.
