BQO-da 1622 úıdi sý basyp qaldy, qutqarýshylar qaýipti aýmaqtan adamdardy shyǵarýdy jalǵastyrýda - QR TJM
ASTANA. 14 sáýir. QazAqparat - QR TJM-nyń bólimsheleri men jergilikti atqarýshy organdar Batys Qazaqstan oblysynda kóktemgi sý tasqynynan kelgen zardaptardy joıý jumystaryn jalǵastyrýda.
Bul týraly QR TJM-nan habarlady.
Búgin QR Tótenshe jaǵdaılar mınıstri Vladımır Bojko, jergilikti atqarýshy bılik ókilderi men BQO boıynsha Tótenshe jaǵdaılar departamentiniń qyzmetkerleri ushaqpen sý astynda qalǵan aýmaqtardy aralap ótti.
Barlyǵy 1622 úıdi sý basyp qaldy, onyń 400-i - saıajaılar. Qutqarýshylar qaýipti aýmaqtardan halyqty evakýatsııalyq beketterge kóshirýdi jalǵastyrýda. Onda medıtsınalyq qyzmet jáne tamaq qamtamasyz etilgen. Osy ýaqytqa deıin kóshirilgen turǵyndardyń sany 6181-di qurady.
