BQO-da 162 órt oqıǵasynyń 70-inde qora-qopsylar janǵan
ORAL. QazAqparat – Batys Qazaqstan oblysynda qora-qopsynyń órtenýi jıilep otyr, dep habarlaıdy QazAqparat tilshisi.
BQO Tótenshe jaǵdaılar departamentiniń bas mamany Nuraly Mýsıevtiń aıtýynsha, 11 mamyr kúni saǵat 02.00-de Aqjaıyq aýdany Chapaev aýylynda sharýashylyq qurylysy órtendi.
50 sharshy metr aýmaqty sharpyǵan «tilsiz jaý» órt sóndirýshilerdiń (4 adam) kúshimen saǵat 03.48-de aýyzdyqtaldy.
Qazirgi kezde keltirilgen shyǵyn, órttiń shyǵý sebebi anyqtalý ústinde.
Oblys aýmaǵynda jyl basynan beri 162 órt tirkelse, sonyń 70-i osy sharýashylyq qurylystarynyń úlesine tıedi.
«Órttiń, sonyń ishinde qora-qopsynyń jalynǵa sharpylýynyń kóbeıýi negizinen adamdardyń órt qaýipsizdigi erejelerin saqtamaýyna baılanysty. Sonymen qatar qasaqana ot qoıylýy da yqtımal. Munyń naqty sebepterin polıtsııa qyzmetkerleri anyqtaıdy», - dedi QazAqparat tilshisine N.Mýsıev.
