BQO-da 16 jastaǵy qyzdy zorlaý deregi boıynsha qylmystyq is tergelip jatyr

ORAL. KAZINFORM — Batys Qazaqstan oblysy Shyńǵyrlaý aýdanynda kámeletke tolmaǵan qyzdy zorlaý deregi boıynsha tergeý amaldary júrgizilip jatyr.

BQO polıtsııa departamentiniń baspasóz qyzmetinen málim etkenindeı, Aqsaı qalasy turǵynynan onyń 16 jastaǵy qyzyna qatysty quqyqqa qaıshy áreketter boıynsha aryz 2 qańtar kúni túsken. 

Atalǵan derek boıynsha QR QK 120-baby 3-1-bóligi 1-tarmaǵyna (kámeletke tolmaǵan qyzdy zorlaý) sáıkes qylmystyq is qozǵalǵan. 

Іsti qaraý barysynda obektıvti tergeý úshin mańyzy bar hat almasý jáne basqa derekter anyqtalǵan. 

— Qazirgi kezde aryz berýshi men onyń qyzy qarym-qatynas kezinde ózara kelisim bolǵanyna súıenip, oqıǵanyń zorlaý sıpaty bolǵanyn rastamaıdy. Soǵan qaramastan, tergeý jalǵasýda. Shyńǵyrlaý aýdany polıtsııa bólimimen tergeý amaldary júrgizilip jatyr. Basqa aqparat QR Qylmystyq is júrgizý kodeksiniń 201-babyna sáıkes jarııalaýǵa jatpaıdy. Іs polıtsııa departamenti basshylyǵynyń baqylaýynda, — delingen resmı málimette.

Turǵyndardyń sózine qaraǵanda, kúdikti Shyńǵyrlaý aýdanynda basshy orynda qyzmet atqarǵan. Oqıǵadan keıin jumysynan shyǵyp ketken.

Eske sala keteıik, budan buryn Oralda 10 jasar qyzdy zorlaý deregi boıynsha kent ákimdigine qatysty qylmystyq is qozǵalǵanyn jazǵan edik.