BQO-da 16 myń lıtrden astam zańsyz alkogol tárkilendi
«26 qarashada Qazaqstan-Reseı shekarasynda «Aqsaı» ótkizý pýnktinde Qazaqstannan Reseıdiń Orynbor qalasyna bara jatqan júk kóligi tekserildi. Resıe azamatynyń atyna tirkelgen kólikte Bórli aýdany boıynsha Memlekettik kirister basqarmasynyń qyzmetkerleri ilespe júkqujaty joq 16 200 lıtr (324 keg) alkogol ónimin tapty», delingen habarlamada.
Júk tasymalynda 429-І «Etıl spırti men alkogol óniminiń óndirilýin jáne aınalymyn memlekettik retteý týraly» QR Zańynyń 9-baby 5-tarmaǵynyń talaptary buzylǵan.
Kirister basqarmasynyń qyzmetkerleri tekserý aktisin jasap, júk kóligin aıypturaǵyna jetkizdi. 16 200 lıtr mólsherinde quny 2,6 mln teńge alkogol ónimi tárkilendi.
«RF azamatyna qatysty QR ÁQBTK-niń 282-babynyń 7-tarmaǵy 3 tarmaqshasy boıynsha jasalǵan ákimshilik materıal Bórli aýdandyq sotyna berildi. Bórli aýdandyq sotynyń 10 jeltoqsandaǵy qaýlysyna sáıkes RF azamaty 50 AEK (126 250 teńge) aıyppul túrinde ákimshilik jaýapkershilikke tartyldy jáne barlyq alkogol ónimi tárkilendi», delingen habarlamada.
