BQO-da 150-den astam medıtsına qyzmetkeri koronavırýs juqtyrǵan
ORAL. QazAqparat – Batys Qazaqstan oblysynda koronavırýs juqtyrǵan 43 medıtsına qyzmetkeri juqpaly aýrýlar statsıonarynda emdelip jatyr, dep habarlaıdy QazAqparat tilshisi.
BQO Densaýlyq saqtaý basqarmasynyń basshysy Bolatbek Qaıýpovtyń aıtýynsha, óńirde indet bastalǵannan beri 150-den astam medıtsına qyzmetkeri koronavırýs juqtyrdy.
Olardyń basym kópshiligi jazylyp shyqty, birqatary qyzmetterine qaıta kiristi.
Qazirgi tańda 43 qyzmetker tıisti em alýda, olardyń kópshiligi buryn koronavırýs juqtyrǵandarmen qarym-qatynasta bolǵan.
Sondaı-aq aýrý jedel járdem qyzmetkerlerin de aınalyp ótken joq. Olardyń arasynan 11 adam syrqattansa, sonyń úsheýi emdelip shyqty.
Kúni búgin óńirdegi juqpaly aýrýlar statsıonarlarynda 665 tósek-oryn bar. Onyń sanyn aýdandar esebinen 717-ge jetkizý múmkindigi bary aıtylýda.
«Qazirgi tańda mamandar jetispeýshiligi sezilýde. Kóptegen dárigerler birneshe aı boıy úılerine barmaı, qyzmet atqarýda, jumys kestesi óte tyǵyz. Sondyqtan jaǵdaı óte kúrdeli. Túrli sebeptermen aqysy saqtalmaıtyn demalysqa ketken dárigerlerge turǵyndardyń saýalyna tez de dál jaýap berýi úshin bizdiń baılanys ortalyqtarynda jumys isteýdi usynýdamyz. Al aýdandarda jaǵdaı qalypty. Aýdandardan dárigerler men medbıkelerdiń Oralǵa jiberilýi arqasynda jaǵdaıdy baqylap otyrmyz. Eger aýrýlar sany óse berse, kadr jetispeýshiligi odan saıyn sezile túsetin bolady. Sondyqtan turǵyndardan aýyryp, em izdemeý úshin sanıtarlyq talaptardy barynsha saqtap, dárigerler jumysyn jeńildetýdi suraımyz», - dedi B.Qaıýpov.
Eske sala keteıik, budan buryn Batys Qazaqstanda koronavırýsqa shaldyqqan 58 naýqastyń aýyr halde jatqanyn jazǵan bolatynbyz.
