BQO-da 15 múgedek balany oqytýǵa ketken shyǵyndar tólenbeı kelgen

ASTANA. KAZINFORM — Іske oblystyq prokýratýra aralasqannan keıin múgedek balalardyń konstıtýtsııalyq quqyqtary qalpyna keltirildi.

науқас бала
Фото: Pexels

Batys Qazaqstan oblysy Aqjaıyq aýdanynyń prokýratýrasy múgedek balalardyń úıde oqý shyǵyndaryn tóleý tártibin taldady.

Aýdannyń Jumyspen qamtý jáne áleýmettik baǵdarlamalar bólimi bıylǵy jyldyń bıýdjet qarajatyn durys josparlamaýy saldarynan qyrkúıek-qarasha aılarynda 15 múgedek balany oqytýǵa ketken shyǵyndar tólenbegeni anyqtaldy.

— Prokýratýranyń usynýy negizinde máslıhattyń sheshimimen bıýdjetten qosymsha qarajat bólinip, 592 180 teńge tólendi, osylaısha balalardyń konstıtýtsııalyq quqyqtary qorǵaldy. Kináli laýazymdy tulǵalardyń jaýapkershiligi qarastyrylýda, — delingen habarlamada.

Buǵan deıin Aqmola oblysynda múgedek balalarǵa bólingen qarajat jymqyrylǵany anyqtaldy.

Сейчас читают