BQO-da 14 jastaǵy qyz sýǵa ketti
ORAL. QazAqparat - Batys Qazaqstan oblysynda 14 jastaǵy qyz sýǵa ketti, dep habarlaıdy QazAqparat tilshisi.
BQO Tótenshe jaǵdaılar departamentiniń baspasóz qyzmetinen túsken málimetke qaraǵanda, oqıǵa keshe Terekti aýdany Podstepnyı aýyly mańynda boldy.
Saǵat 17.00-de jasóspirim ıAdovıtaıa kóliniń ruqsat etilmegen jerinde shomylyp, sýǵa ketken.
Oqıǵa ornynda jedel qutqarý jasaǵynyń 5 qyzmetkeri jumys istep, 20 mınýttan keıin marqumnyń denesin sýdan alyp shyqty.
Aıta keteıik, jyl basynan óńirde 22 adam sýǵa ketse, sonyń beseýi - balalar. Jetkinshekter sýǵa túsýge kóbine eresekterdiń qaraýynsyz barady. Al onyń arty orny tolmas qaıǵyǵa aınalýy múmkin.
Budan buryn BQO-da eki adamnyń sýǵa ketkenin jazǵan bolatynbyz.
