BQO-da 14 myńnan astam adam koronavırýsqa qarsy ekpe saldyrdy
ORAL. QazAqparat – Batys Qazaqstan oblysynda 14190 adam koronavırýsqa qarsy vaktsınanyń birinshi komponentin saldyrdy, dep habarlaıdy QazAqparat tilshisi.
BQO densaýlyq saqtaý basqarmasy málim etkenindeı, sonyń 4696-sy – medıtsına qyzmetkerleri, 2867-si – pedagogtar, 1280-i –quqyq qorǵaý organdarynyń ókilderi, 5347-si –basqa sala adamdary.
Oǵan qosa 3459 adam vaktsınanyń ekinshi komponentin aldy.
Ekpe naýqany bastalǵannan beri oblysqa 34300 doza vaktsına jetkizilse, sonyń 24150-i – birinshi, 10150-i – ekinshi komponent.
9 sáýirde ákelingen 14 myń doza (І komponent) óńirdegi medıtsına uıymdaryna bólinip berildi. Turǵyndardy kóbirek qamtý maqsatynda egý kabınetteri demalys kúnderi de jumys isteıtin boldy. Atap aıtqanda, 9 sáýirde – 1175, 10-y kúni – 1935, keshe 930 adam ekpe saldyrdy.
Kúni búginge deıin sońǵy túsken vaktsınamen 4040 adam (28,8 paıyz) egildi.
Aldyn ala málimet boıynsha osy aıda taǵy da 35 myń doza vaktsına óńirge jetkizilmek.
Eske sala keteıik, budan buryn BQO-da sońǵy tórt kúnde koronavırýs juqtyrǵandar sany 500-ge jýyqtaǵanyn jazǵan edik.
