BQO-da 135-ke jýyq memlekettik qyzmetker jetispeıdi

ORAL. QazAqparat - Memlekettik qyzmet isteri agenttiginiń BQO boıynsha departamentiniń basshysy Murat Baısalov «Memlekettik qyzmet týraly» zańda joǵary oqý oryndaryn memlekettik grantpen bitirgen jáne ortasha ball jınaǵan jas kadrlardy konkýrstan tys jumysqa ornalastyrý qarastyrylǵanyn aıtty, dep habarlaıdy QazAqparat «Moı gorod» basylymyna silteme jasap.

«Men aıtqan negizdegi jas mamandar konkýrstyq protsedýralardy ótkizbeı-aq aýdandyq aýyldyq ákimdikterde tómengi laýazymdarǵa ornalasa alady. Sonymen qatar, búgingi tańda oblysta 135-ke jýyq memlekettik laýazymdar bos turǵanyn eske salǵym keledi, - dedi Baısalov.

Ol eki jyldan beri «Dıplommen aýylǵa» baǵdarlamasy memlekettik qyzmetkerlerge de taralyp kele jatqanyn atap ótti. Aýylda jumys istegisi keletinder kóterme jáne basqa da jeńildikter ala alady, biraq olar keminde úsh jyl jumys isteýge mindetteledi.