BQO-da 13 jastaǵy qyzdyń asqazanynan 642 gramm shash shyqty

ORAL. KAZINFORM – Oral qalasyndaǵy oblystyq kópbeıindi balalar aýrýhanasynda 13 jastaǵy qyzǵa kúrdeli ota jasaldy.

BQO Densaýlyq saqtaý basqarmasynyń baspasóz qyzmetinen málim etkenindeı, anasynyń sózine qaraǵanda, qyzy 11 maýsymnan bastap asqazanyndaǵy aýyrsynýǵa shaǵymdanǵan.

Pedıatrǵa qaralǵan kezde joǵary endoskopııalyq zertteý júrgizilip, sonyń nátıjesinde asqazanda bógde zat bar ekeni anyqtalǵan. Osyǵan baılanysty qyz oblystyq kópbeıindi balalar aýrýhanasyna jiberilgen.

- Ota sátti ótti. Qazirgi tańda patsıenttiń jaǵdaıy turaqty. Em-shara tolyǵymen mindetti áleýmettik medıtsınalyq saqtandyrý aıasynda atqaryldy, - dedi ota jasaǵan hırýrg Álibı Tólegenov.

Mamandar mundaı jaǵdaılardyń aldyn alý úshin balalardyń psıhologııalyq densaýlyǵyna erekshe nazar aýdarý qajettigin eske salady.

Eske sala keteıik, budan buryn Batys Qazaqstanda 19,2 myń bala dıspanserlik esepte turǵanyn jazǵan bolatynbyz.