BQO-da 128 mas júrgizýshi 15 táýlikke qamalyp, kýáliginen aıyryldy
ORAL. QazAqparat – Batys Qazaqstan oblysynda 11 qańtar-20 aqpan aralyǵynda kólikti mas kúıinde júrgizgen 128 júrgizýshi 15 táýlikke qamaldy, dep habarlaıdy QazAqparat tilshisi.
BQO Polıtsııa departamentiniń baspasóz qyzmetinen málim etkendeı, 128 júrgizýshiniń barlyǵy, sondaı-aq 7 jylǵa kólik basqarý quqyǵynan aıyryldy.
Bıylǵy jyl basynan beri QR Ákimshilik quqyqbuzýshylyq kodeksiniń 608-babyna sáıkes barlyǵy 172 júrgizýshi jaýapqa tartyldy. Ótken jyldyń sáıkes kezeńinde 259 adam osy bap boıynsha zań buzǵan edi.
Bıylǵy 11 qańtardan bastap atalmysh kodekstiń birqatar baptary, sonyń ishinde kólikke mas kúıinde otyrǵany úshin beriletin jaza qatańdatylǵany belgili.
