BQO-da 11-synyp oqýshysy asylyp qaldy
ORAL. QazAqparat – Batys Qazaqstan oblysynda 11-synyp oqýshysy asylyp qaldy, dep habarlaıdy QazAqparat tilshisi.
BQO bilim basqarmasynyń baspasóz qyzmetinen túsken málimetke qaraǵanda, oqıǵa 12 qarasha kúni keshkisin Jańaqala aýdany Jańaqazan aýylynda oryn aldy.
M.Júnisov atyndaǵy orta mekteptiń 11-synyp oqýshysy óz úıiniń aýlasyndaǵy mal qorasynda asylyp qalǵan.
«Bala tolyq otbasynda tárbıelengen. Qazirgi kezde osy oqıǵa boıynsha quzyrly organdar tarapynan anyqtaý jumystary júrgizilýde. 20 qarasha kúni oblystyq vedomstvoaralyq top oqıǵa ornyna baryp, máseleni anyqtamaq», dep habarlady QazAqparat tilshisine bilim basqarmasynyń baspasóz qyzmetinen.
Aýyl turǵyndarynyń sózine qaraǵanda, balanyń sabaǵy jaqsy bolǵan. Bes balaly otbasynda talas-tartys týyndamaǵan.
