BQO-da 11 adamnyń malyn urlap, 3 mln astam teńge zalal keltirgen top quryqtaldy

ORAL. QazAqparat – Batys Qazaqstan oblysynda 11 adamnyń malyn urlap, 3 mln astam teńge zalal keltirgen top quryqtaldy, dep habarlaıdy QazAqparat tilshisi.

BQO polıtsııa departamentiniń baspasóz qyzmeti málim etkenindeı, qazirgi kezde Terekti aýdanynyń 2004, 2003 jáne 1999 jylǵy úsh turǵynyna qatysty QR QK 188-1 3-bóligine (mal urlyǵy) sotqa deıingi tergeý amaldary júrgizilýde.

Uıymdasqan top bıylǵy mamyr aıynan beri ózara kelisip, mal urlyǵymen aınalysyp kelgen. Olar maldy negizinen erkin jaıylymnan áketip otyrǵan.

Tolyq aqparat tergeý aıaqtalǵannan keıin beriledi.

BQO polıtsııa departamenti turǵyndardan maldy baǵýsyz jibermeýdi ótinedi. Óıtkeni qaraýsyz júrgen mal ońaı oljaǵa aınalady. Ekinshiden, jol-kólik oqıǵalarynyń bolýyna sebepshi bolady.

Eske sala keteıik, budan buryn BQO turǵynynyń jarty tonna balyqpen ustalǵanyn jazǵan bolatynbyz.