BQO-da 100-ge jýyq oqýshy «Myń bala» olımpıadasynyń júldegeri atandy
ORAL. QazAqparat – Aýyl mektepterine arnalǵan «Myń bala» ulttyq zııatkerlik olımpıadasy qorytyndylanyp, jeńimpazdar anyqtaldy, dep habarlaıdy QazAqparat tilshisi.
BQO bilim basqarmasynyń baspasóz qyzmeti málim etkenindeı, atalǵan joba Nursultan Nazarbaev qory men «Elbasy akademııasy» KQ-nyń «El úmiti» talantty jastardy anyqtaý jáne qoldaý baǵytyndaǵy bastamasy aıasynda júzege asyrylýda.
Olımpıada eki kezeńde ótip, elimizdegi aýyl mektepteriniń 5-inshi jáne 6-synybyndaǵy 295 myń oqýshyny qamtydy. Ekinshi kezeńde 5 myń oqýshy baq synasa, sonyń 171-i Batys Qazaqstan oblysynan.
Olımpıada qorytyndysynda 1 myń jeńimpaz belgili bolsa, sonyń 92-si – BQO-dan, sonyń ishinde 5-synyptan – 49, 6 synyptan – 43 júldeger.
Batys Qazaqstan shákirtteri olımpıaǵa qatysý sapasy boıynsha respýblıkada úzdik úshtikke kirdi.
Joǵary ball jınaǵan 30 bala (6-synyp) respýblıkalyq fızıka-matematıka mektebiniń Almaty qalasyndaǵy fılıalyna qabyldaýǵa usynylsa, sonyń biri – Terekti aýdany Aqjaıyq orta mektebiniń oqýshysy Munar Jumabaı. Oǵan qosa Tasqala aýdany «Sáýlet» mektep-lıtseıinen Ahmet Dosymjan men Báıterek aýdany Novenkıı orta mektebinen Albına Maksımenko rezervke alyndy.
Eske sala keteıik, budan buryn Oralda jańa mektep ǵımaraty paıdalanýǵa berilgenin jazǵan bolatynbyz.
