BQO-da 100-ge jýyq mektep jańarǵan pándik kabınettermen jabdyqtalyp jatyr
Oblys ákiminiń orynbasary Baqytjan Narymbetovtiń málim etkenindeı, Memleket basshysy jarııalaǵan Balalar jyly aıasynda ıgilikti ister júzege asyrylýda.
Bilim oshaqtaryn jańarǵan pándik kabınettermen jabdyqtaý – sonyń biri.
«Bilim sapasynyń artýy ustazdardyń biliktiligimen qatar mektepterdiń zamanaýı talaptarǵa saı oqý kabınetterimen jaraqtandyrýmen tikeleı baılanysty ekendigi aıdan anyq. Oqýshylar zerthanalyq jumystardy óz qoldarymen istep, tájirıbeni óz kózimen kórse, árıne, olardyń tanymdyq jáne shyǵarmashylyq qabiletteri artady. Sol úshin qolaıly orta jasaqtaýymyz qajet. Qurylǵylaryn da, jıhazyn da, kabınettiń ishin de jańartýdamyz», - deıdi oblys ákiminiń orynbasary.
Onyń sózine qaraǵanda, aýyl mektepterin jańǵyrtý aıasynda oblys boıynsha 64 aýyldyq mektepte 64 hımııa, 64 fızıka, 64 bıologııa, barlyǵy 192 kabınet jabdyqtalýda.
Sonymen birge jan basyna shaqqandaǵy qarjylandyrý esebinen Oral jáne Aqsaı qalalarynyń 32 mektebine 40 kabınet (bıologııa – 16, fızıka – 15, hımııa – 9) jáne 7 STEM zerthana alyndy.
Aldaǵy ýaqytta da bul baǵyttaǵy jumystar óz jalǵasyn tabady.
Eske sala keteıik, budan buryn BQO-da 54 jańa avtobýstyń shalǵaı eldi mekender balalaryn mektepke tasymaldaıtynyn jazǵan bolatynbyz.
