BQO-da 100-den astam adam karantınde jatyr
ORAL. QazAqparat – Batys Qazaqstan oblysynda 100-den astam adam karantınde jatyr, dep habarlaıdy QazAqparat tilshisi.
BQO taýarlar men kórsetiletin qyzmetter sapasymen qaýipsizdigin baqylaý departamenti basshysynyń orynbasary Nurlybek Mustaevtyń aıtýynsha, barlyǵy statsıonarda 117 adam bolsa, sonyń jeteýi oblystyq juqpaly aýrýlar aýrýhanasynda emdelýde.
Sondaı-aq provızorlyq statsıonarda 51, karantındik bólimshede 59 adam baqylanýda.
Memlekettik komıssııanyń shuǵyl shtaby málim etkenindeı, 11 sáýir kúni koronavırýs tabylǵan azamat Reseıde vahtalyq ádispen jumys isteıtin BQO-nyń 37 jastaǵy turǵyny bolyp shyqty.
Saratov oblysymen shekaradaǵy «Tasqala» avtoótkelindegi sanıtarlyq-karantındik beketten ótken kezde atalǵan turǵynnan jótelý jáne tumaýratý belgileri anyqtalǵan. Ol sol boıda provızorlyq statsıonarǵa jetkizilip, koronavırýs tabylǵannan keıin oblystyq juqpaly aýrýlar aýrýhanasyna aýystyryldy.
Naýqaspen qarym-qatynasta bolǵan adamdardyń barlyǵy baqylaýǵa alyndy.
Eske sala keteıik, budan buryn karantınge tap bolǵan qostanaılyq azamattyń batysqazaqstandyq dárigerlerge alǵys bildirgenin jazǵan bolatynbyz.
