BQO-da 10 tonna toqyma buıymdary tıelgen júk kóligi janyp ketti

ORAL. QazAqparat – Batys Qazaqstan oblysynda 10 tonna toqyma buıymdary tıelgen júk kóligi janyp ketti, dep habarlaıdy QazAqparat tilshisi.

BQO TJ departamentiniń baspasóz qyzmetinen málim etkenindeı, oqıǵa 17 maýsym kúni keshkisin Terekti aýdany aýmaǵynda boldy.

«Saǵat 19.27-de Samara-Shymkent jolynda 45 jastaǵy shymkenttik júrgizýshi aıdap kele jatqan Scania júk kóligi otqa orandy. Júk kóliginen shyqqan órt qurǵaq shópke jaıylyp, aýmaǵy 200 sharshy metrdi qurady. «Tilsiz jaý» saǵat 21.15-te oqshaýlanyp, 23.30-ta tolyqtaı aýyzdyqtaldy. Zardap shekkender joq. Atalǵan júk kóligi Qyrǵyzstannan Máskeýge shulyq, mata apara jatqan. Jyl basynan beri óńirde 8 júk kóligi órtendi», dep habarlady vedomstvodan.

Eske sala keteıik, budan buryn Oralda balalar otyrǵan avtobýstyń órtenýine baılanysty júrgizýshi men lager basshysy jaýapqa tartylǵanyn jazǵan bolatynbyz.