BQO-da 10,4 mln astam teńgeni jymqyrǵan balabaqsha býhgalteri sottaldy
BQO boıynsha ekonomıkalyq tergeý departamenti málim etkenindeı, Bórli aýdandyq sotynyń úkimimen Aqsaı qalasyndaǵy №4 «Aıgólek» balabaqsha-ıaslıiniń býhgalteri A.Túımebaev aıypty dep tanyldy.
A.Túımebaev 2019 jyl boıyna dırektor men ekinshi býhgalterdiń elektrondy-sandy qoldaryn paıdalana otyryp, «ATF Online» - ATF bank AQ» ınternet-bankıngi arqyly óziniń esepshotyna jalaqy men issapar shyǵyndaryn negizsiz aýdarǵan.
Sóıtip ol balabaqshaǵa tıesili 10 458 509 teńgeni jymqyryp, memleketke iri kólemde zalal keltirgen.
Sot úkimimen QR QK 189-baby 4-bóligi 2-tarmaǵyna sáıkes A.Túımebaev múlkin tárkileýsiz 4 jylǵa bas bostandyǵynan aıyryldy.
Ol sondaı-aq bes jyl boıy memlekettik uıymdarda, kvazımemlekettik sektor sýbektilerinde, kommertsııalyq jáne kommertsııalyq emes mekemelerde qarjylyq qyzmet pen materıaldyq jaýapkershilikke baılanysty laýazymdy atqara almaıdy.
Eske sala keteıik, budan buryn BQO-da kolledj qarjysyn jymqyrǵan bas esepshi sottaldy.