BQO-da 1 tonnadan astam balyqty zańsyz tasymaldaǵandar ustaldy
ORAL. QazAqparat – Batys Qazaqstan oblysynda 1 tonnadan astam balyqty zańsyz tasymaldaǵandar ustaldy, dep habarlaıdy QazAqparat tilshisi.
BQO polıtsııa departamentiniń baspasóz qyzmetinen túsken málimetke qaraǵanda, oqıǵa 7 qańtar kúni Oral qalasyna qarasty «Sarytaý» shaǵynaýdany mańynda boldy.
Patrýldik polıtsııa qyzmetkerleri shamamen saǵat 05.40-ta 1986 jylǵy oraldyq turǵyn aıdaǵan «Lexus» avtokóligin toqtatty. Kólikte 1985 jylǵy jolaýshy da bolǵan.
Avtokólikti qaraǵan kezde tıisti qujattary joq 1 tonnadan astam qara balyq tárkilendi.
Atalǵan oqıǵa boıynsha QR QK 196-baby 1-bóligine sáıkes (kórineý qylmystyq jolmen tabylǵan múlikti ıemdený nemese ótkizý) tergeý amaldary júrgizilýde. Avtokólik arnaıy turaqqa qoıyldy.
Aıta keteıik, 6 qańtar – 5 aqpan aralyǵynda «Brakoner» jedel aldyn alý sharasy ótkizilýde.
