BQO-da 1,7 tonnadan astam balyq tasymaldaǵan júrgizýshi ustaldy
ORAL. QazAqparat – Batys Qazaqstan oblysynda 1,7 tonnadan astam balyq alyp kele jatqan júrgizýshi ustaldy, dep habarlaıdy QazAqparat tilshisi.
BQO polıtsııa departamentiniń resmı ókili, polıtsııa polkovnıgi Bolatbek Belgibekovtiń aıtýynsha, oqıǵa 27 naýryz kúni Samara-Shymkent kúre joly boıynda boldy.
Shamamen saǵat 15.20-da Terekti aýdany Barbastaý aýyly tusynda 1968 jylǵy B. degen azamat aıdap kele jatqan «GAZel» avtokóligi toqtatyldy.
Kólikti qaraǵan kezde 35 qapqa salynǵan 1779 kg qara balyq tabyldy.
Qazirgi kezde QR QK 196-baby 1-bóligine sáıkes tergeý amaldary júrgizilýde.
Eske sala keteıik, budan buryn BQO-da 1,2 tonna balyq alyp kele jatqan júrgizýshi ustalǵanyn, Oralda velosıped jymqyryp, dánikken urynyń qolǵa túskenin jazǵan bolatynbyz.
