14:12, 18 Shilde 2019 | GMT +6
BQO-da 1,532 mln gektar jer paıdalanylmaı bos jatyr
ORAL. QazAqparat – Batys Qazaqstan oblysynda aýyl sharýashylyǵy maqsatyndaǵy 1,532 mln gektardyń paıdalanylmaǵany anyqtaldy, dep habarlaıdy QazAqparat tilshisi.
Oblys ákimi Ǵalı Esqalıevtiń aıtýynsha, sonyń 1,122 mln gektary memleketke qaıtaryldy.
Memleket basshysy Qasym-Jomart Toqaevtyń Úkimettiń keńeıtilgen otyrysynda jerdi tıimdi paıdalaný kerektigin atap kórsetkeni málim.
Osyǵan oraı aýyl sharýashylyǵy jerlerin tıimdi paıdalanýdy baqylaý jumystary kúsheıtiledi.
«Jyl sońyna deıin BQO-nyń geoaqparattyq portaly ázirlenip, jumys jasaıtyn bolady. Bul geoportalda jer telimderin aýyl sharýashylyǵy óndirisin júrgizý úshin maqsatsyz paıdalanýdy anyqtaýǵa múmkindik beretin spýtnıktik túsirilim qoljetimdi bolady», - dedi óńir basshysy.
