BQO bıýdjetine 75 mlrd teńge tústi
ORAL. QazAqparat - Bıylǵy birinshi jartyjyldyqta óńir bıýdjetine 75 mlrd teńge tússe, sonyń 57,9 mlrd teńgesi - kiris, dep habarlaıdy «QazAqparat» tilshisi.
BQO qarjy basqarmasynyń baspasóz qyzmetinen túsken málimetke qaraǵanda, respýblıkalyq bıýdjetten kelgen transfertter (50 paıyz) men salyqtyq túsimder (24,9 paıyz) kiristiń negizgi kózderi bolyp tabylady.
Alty aıda respýblıkalyq bıýdjetten 37,5 mlrd teńge transferttik qarjy tússe, sonyń 23,8 mlrd teńgesi - sýbventsııalar. Maqsatty transfert 13,7 mlrd teńgeni qurady.
Salyqtyq túsim qurylymynda jeke tabys jáne áleýmettik salyq (17,4 mlrd. teńge) 93,6 paıyzǵa jetti.
El qazynasynan túsken 3,4 mlrd teńge nesıelik qarjynyń 0,8 mlrd teńgesi «Dıplommen aýylǵa» baǵdarlamasyna sáıkes mamandardy áleýmettik qoldaýǵa, 1,5 mlrd teńgesi jappaı kásipkerlikti damytýǵa, 1 mlrd teńgesi jylý, sý jelilerin salý men qaıta qurýǵa, 0,1 mlrd teńgesi Oral men Aqsaı qalalarynda kásipkerlikti óristetýge baǵyttaldy.
Oblystyń shyǵys bıýdjeti 99,6 paıyzǵa (61,6 mlrd teńge) oryndaldy.
Qazaqstan polıtsııasynyń 25 jyldyǵyna oraı 195,4 mln teńgege 50 avtokólik satyp alyndy.
Bilim salasyndaǵy shyǵys 8,1 mlrd teńgeni qurady, bul - barlyq shyǵys kóleminiń 13,1 paıyzy. Sonyń ishinde jergilikti deńgeıde tehnıkalyq jáne kásibı bilim berý mekemelerinde mamandar daıarlaýǵa 3156,5 mln teńge, arnaıy bilim berý baǵdarlamalary boıynsha oqytýǵa 613,2 mln teńge, mamandandyrylǵan mektepterde daryndy balalarǵa bilim berýge 484,1 mln teńge qaraldy.
Sol sekildi densaýlyq saqtaý salasyndaǵy shyǵys kólemi 7,1 mlrd teńgeni (11,5 paıyz) qurap, qarjy medıtsınalyq qyzmet kórsetý, dári-dármekpen qamtý maqsatyna bólindi.
Turǵyn úı-kommýnaldyq salaǵa 7,7 mlrd teńge (12,6 paıyz) qaralyp, 1947,5 mln teńge eldi mekenderdi gazdandyrýǵa, sonyń ishinde Oral jylý-qýat ortalyǵyna gaz qubyryn tartýǵa 1445,8 mln teńge berildi.
