BQO bıýdjeti kirister boıynsha 109,4 mlrd teńge kóleminde bekitilip otyr

ORAL. QazAqparat - Elbasymyzdyń «Qazaqstan jańa jahandyq naqty ahýalda: ósim, reformalar, damý» atty Joldaýynda tek daǵdarysqa qarsy sharalar ǵana emes, sonymen qatar arnaıy strategııa da usynylǵan bolatyn. Jańa zaman talabynda daǵdarys­qa qarsy keshendi jáne qurylymdyq jańarý bes baǵyt bo­ıynsha júzege asyrylmaqshy. Onyń biri - bıýdjet saıasatyn ońtaılandyrý. Osy oraıda BQO ekonomıka jáne bıýdjettik josparlaý basqarmasynyń basshysy Bıbigúl Qonysbaeva óz oı-tolǵamyn bylaısha bildirdi.

Onyń aıtýynsha, bıýdjetti qa­lyptastyrý Elbasynyń qazyna qara­jatyn qatań túrde únemdeý týraly tapsyrmasyna jáne Bıýdjet kodek­sine sáıkes óńirdiń 2016-2020 jyldarǵa arnalǵan áleý­­met­tik-ekonomıkalyq damý boljamy­­nyń negizinde júzege asyrylady. Jalpy, kiris bo­­ıynsha oblys bıýdjeti 109,4 mlrd teńge kóleminde bekitilgen bolsa, onyń ishinde jeke kiris 24,4 mlrd teńgeni qurap otyr. Respýblıkalyq bıýdjetten 44,8 mlrd teńge kóleminde maqsatty transfertter men nesıeler qa­rastyrylǵan.

Shyǵyndardy josparlaýda bas­ty basymdylyq azamattardyń jaq­sy turmys keshýine jete mán beriledi. ıAǵnı áleýmettik qoldaý, densaýlyq saqtaý men bilim be­rý, turmystyq jaǵdaılaryn jaq­sar­tý jáne jumyspen qamtý boıyn­sha jaǵdaılar týǵyzý. Bul maqsattarǵa 42,6 mlrd teńge qaralǵan. Sonymen birge aýyl sharýashylyǵy salasyn qoldaýǵa 3,6 mlrd teńge, kóliktik ınfra­qurylymdy damytýǵa 7,7 mlrd teń­ge kóleminde qarajat kózdeldi.

2016 jyldyń 1 qańtarynan bastap azamattyq qyzmetshilerdiń jańa eńbekaqy úlgisine kóshýi iske asyrylyp, densaýlyq saqtaý salasynyń qyzmetkerlerine jalaqy 7 paıyzdan 28 paıyzǵa, bilim berý salasynyń qyzmetkerlerine 15-ten 29 paıyzǵa, áleýmettik qorǵaý jáne basqa salalar qyzmetkerlerine 28-den 40 paıyzǵa artty. «Jumyspen qamtýdyń jol kartasy - 2020» baǵdarlamasyna oraı bıyl respýblı­ka­lyq bıýdjetten 1,4 mlrd teńge bólingen, onyń ishinde 489,0 mln teńge aýyldyq jerdegi kásip­kerliktiń damýyna, 488,1 mln teń­ge ınfraqurylymdyq jobalardy júzege asyrýǵa, 427,5 mln teńge jumysqa ornalasýǵa járdemdesý boıynsha sharalarǵa kózdeldi.

«Bıznestiń jol kartasy - 2020» baǵdarlamasyn iske asyrý aıa­synda respýblıkalyq bıýdjetten jeke kásipkerlikti qoldaý­ǵa 1784,6 mln teńge maqsatty transfertter qarastyryldy.

Ulttyq qordan bólingen maqsatty damý transfertteri 1,4 mlrd teńgeni qurady, onyń ishinde ınjenerlik-kommýnıkatsııalyq ın­fra­qurylymdy jobalaýǵa, damytýǵa jáne jaılastyrýǵa 1,1 mlrd teń­ge jáne Shyńǵyrlaý aýdanynyń ortalyǵyndaǵy 290 oryn­dyq balabaqsha qurylysyna 287,83 mln teńge berildi.

«2016 jylǵa arnalǵan oblys bıýd­­jeti áleýmettik bıýdjet bolyp tabylatynyn atap ótken jón. Aldymyzda turǵan ońtaı­lan­dyrý sharalary memlekettiń áleýmettik mindettemelerine keri áser etpeıdi, olar tolyq kólem­de oryndalatyn bolady», dep túıindedi oıyn B.Qonysbaeva.