BQO boıynsha «Ohotzooprom» basshysy para alǵany úshin sottaldy

NUR-SULTAN. QazAqparat – QR Aýyl sharýashylyǵy mınıstrligi Orman sharýashylyǵy jáne janýarlar dúnıesi komıtetiniń «Ohotzooprom» ÓB» respýblıkalyq memlekettik qazynalyq kásipornynyń Batys óńirlik fılıalynyń basshysy para alǵany úshin sottaldy, dep habarlaıdy QazAqparat QR Sybaılas jemqorlyqqa qarsy qyzmetine silteme jasap.

«QR Sybaılas jemqorlyqqa qarsy is-qımyl agenttiginiń Batys Qazaqstan oblysy boıynsha departamenti «Ohotzooprom» ÓB» respýblıkalyq memlekettik qazynalyq kásipornynyń Batys óńirlik fılıalynyń basshysy D.Samatovqa qatysty sotqa deıingi tergeý amaldaryn aıaqtady», - delingen habarlamada.

D.Samatov qyzmet boıynsha jalpy qoldaý kórsetý úshin baǵynyshty qyzmetkerlerden júıeli negizde para alǵan.

20 tamyz kúni Oral qalalyq sotynyń úkimimen D.Samatovqa 5 mln teńge kóleminde aıyppul salyndy.

Sottalýshy ómir boıy memlekettik qyzmette jumys isteý quqyǵynan aıyryldy.