BQO blokpostynda esirtkige eltigen júrgizýshi ustaldy
ORAL. QazAqparat – Batys Qazaqstan oblysynda blokposttardyń birinde esirtkige eltigen júrgizýshi ustaldy, dep habarlaıdy QazAqparat tilshisi.
BQO polıtsııa departamentiniń resmı ókili Bolatbek Belgibekovtiń málim etkenindeı, oqıǵa 5 sáýir kúni Báıterek aýdany Novenkıı aýyly tusyndaǵy №8 blokpostta boldy.
«VAZ-2121 Nıva» avtokóligi júrgizýshisiniń qujattaryn tekserý kezinde polıtseıler odan esirtki tutyndy dep kúdiktengen.
Narkologııalyq saraptama qorytyndysyna sáıkes, 30 jastaǵy Sh. esirtkige eltip alǵany anyqtaldy.
«Osy oqıǵa boıynsha QR Ákimshilik quqyqbuzýshylyq kodeksi 608-baby 1-bóligine (júrgizýshiniń kólik quralyn alkogoldik, esirtkilik jáne (nemese) ýytqumarlyq masań kúıde basqarýy, sol sııaqty kólik quralyn alkogoldik, esirtkilik jáne (nemese) ýytqumarlyq masań kúıdegi adamnyń basqarýyna berý) sáıkes hattama toltyryldy. Bul bap boıynsha on bes táýlikke ákimshilik qamaqqa alý jáne jeti jyl merzimge kólik quralyn basqarý quqyǵynan aıyrý jazasy qarastyrylǵan», dedi QazAqparat tilshisine B.Belgibekov.
Eske sala keteıik, budan buryn Oralda blokpostty aınalyp qashqan júrgizýshiniń ustalǵanyn jáne saýyq keshin ótkizgen blogerdiń 10 táýlikke qamalǵanyn jazǵan bolatynbyz.
