BQO bes elge et eksporttap keledi
Oblys ákimi Ǵalı Esqalıevtiń aıtýynsha, Memleket basshysy eldiń kóliktik-logıstıkalyq áleýetin odan ári arttyrýdy tapsyrǵan bolatyn.
Osy baǵytta óńirde ótken jyly 368 shaqyrym jol jóndelse, bıyl 436,5 shaqyrym jol jóndeýge 36,2 mlrd teńge qarastyryldy.
Ákimniń sózine qaraǵanda, Reseıdiń eń iri qalalarynyń biri – Samara qalasymen baılanystyratyn Samara-Shymkent jolyna, Saratov oblysyna shyǵatyn Chapaev-Jalpaqtal-Kaztalov-RF shekarasy joldaryna jóndeý jumystary júrgizilýde.
Batys Qazaqstan oblysyn Reseıdiń Volgograd, Astrahan oblystarymen baılanystyratyn respýblıkalyq mańyzy bar Kaztalov-Jánibek-RF shekarasy, Ónege-Bısen-Saıqyn avtojoldaryn salý jumystary jalǵasýda.
Sondaı-aq, Reseıdiń Orynbor oblysy baǵytyndaǵy Podstepnyı-Fedorov-RF shekarasy jolyn jóndeý úshin jobalyq-smetalyq qujattama daıyndaldy.
«Jaıyq ózeniń jaılaǵan Batys Qazaqstan men Atyraý oblysynyń turǵyndary Atyraý-Oral tas jolynyń jaǵdaıy týraly jıi másele kóterip júr. Búginde atalǵan tas joldy rekonstrýktsııadan ótkizý, ıaǵnı jol jıegin uzartý úshin jobalyq-smetalyq qujattama jasaýǵa qarajat bólindi. Nátıjesinde osy jumystar oblystyń tranzıttik áleýetin damytyp, óńir ekonomıkasynyń kiris kózderin arttyratyn bolady», dedi Ǵ.Esqalıev.
BQO kórshiles óńirlermen qatar Qyrǵyzstan, Túrkimenstan, Ázerbaıjan, Reseı men Armenııa sııaqty elderge 2 myń tonnadaı etti eksporttap keledi.
Qysqy kezeńde Batys Eýropa – Batys Qytaı, Aqtóbe – Oral – Saıqyn – Joǵary Basqunshaq avtomobıl joldary arqyly balamaly túrde Eýropa men Taıaý Shyǵys elderiniń naryǵyna shyǵýǵa bolady.
Jyl saıyn tiri mal tólin ótkizý úshin Soltústik Iran, Ázerbaıjan jáne Túrkııa naryqtary qarastyrylýda. Osy elderde jaıylymda ósken maldyń etin tutynatyn 100 mln astam túrki halyqtary turady.
«Qazaqstan aýyl sharýashylyǵy, tamaq jáne óńdeý ónerkásibi qyzmetkerleriniń tól merekesine oraı sala qyzmetkerlerin quttyqtaımyn.
Óńirde on myńdaǵan jerlesterimiz jaıylymdarda, egistikterde, oblystyń qaıta óńdeý kásiporyndarynda tynymsyz eńbek etip júr.
Sizder mańdaı terdiń arqasynda túgel oblysty azyq-túlikpen qamtamasyz etip otyrasyzdar. Bul ońaılyqpen keletin eńbek emes.
Bıylǵy jyly sizdiń jumysyńyz pandemııa kezinde erekshe baıqaldy. Óıtkeni búkil álem azyq-túlik tapshylyǵyna tap bolyp, birqatar elder qıynshylyq kórdi. Al sizder eldi azyq-túlikpen qamtamasyz etý úshin úlken janqııarlyq eńbek jasadyńyzdar, ol úshin men sizderge zor alǵysymdy bildiremin.
Bıyl agroónerkásiptik keshen bir adamǵa shaqqandaǵy eńbek ónimdiliginiń artýyn kórsetip otyr. Bul aýylda damý úrdisi júrip jatyr degen sóz.
Bizdiń oblystyń agroónerkásiptik kesheniniń áleýeti óte zor. Muny et óndirý jáne qaıta óńdeý, zamanaýı jylyjaılar men qoımalar, sút óndirý jáne qaıta óńdeý sııaqty baǵyttardaǵy ınvestıtsııalar kóleminiń ulǵaıýynan baıqaýǵa bolady. Óńir turǵyndaryn sapaly ónimderimen qamtamasyz etý aýyl eńbekkerleriniń eń joǵary mıssııasy deýge bolady.
Qurmetti sala mamandary, ardaqty eńbekkerler! Barshańyzdy merekemen quttyqtaı otyryp, otbasylaryńyzǵa amandyq, denderińizge saýlyq tileımin. Eńbekterińiz arta bersin!», dep jazdy Ǵalı Esqalıev óziniń Feısbýktegi paraqshasynda.
Eske sala keteıik, budan buryn BQO-da 10 ınvestıtsııalyq jobany júzege asyrý kózdelgenin jazǵan bolatynbyz. Jalpy óńirde bıyl 19 mlrd astam teńgeniń ınvestıtsııalyq jobalaryn júzege asyrý kózdelgen. Alaıda pandemııa birqatar jobalarǵa keri áser etip otyr.