BQO: Bes adam qaza bolǵan jol apatyna qatysty tergeý amaldary júrgizilýde
ORAL. QazAqparat - QazAqparat budan buryn habarlaǵanyndaı, keshe saǵat 18.20 shamasynda Atyraý-Oral avtojolynyń 209-shaqyrymynda Atyraýdan Oralǵa bet alǵan 1967 jylǵy Ý. degen azamatsha «Mersedes» kóliginiń rýline ıe bola almaı, 1991 jylǵy A. degen júrgizýshi aıdap kele jatqan «Gazel» avtokóligimen soqtyǵysýǵa jol berdi.
BQO ІІD baspasóz qyzmetinen túsken málimetke qaraǵanda, jol apaty saldarynan qos júrgizýshimen birge úsh jolaýshy qaza tapty. Oǵan qosa taǵy bir jolaýshy Aqjaıyq aýdandyq ortalyq aýrýhanasyna jetkizildi.
Atalǵan derek boıynsha sotqa deıingi tergeý bastalyp, tıisti saraptamalar taǵaıyndaldy. Onyń nátıjeleri keıin habarlanady.
Aıta keteıik, bıyl jyl basynan beri buǵan deıin Oral-Atyraý joly boıynda 23 jol-kólik oqıǵasy tirkelip, sonyń saldarynan 7 adam kóz jumsa, 26-sy túrli dene jaraqatyn alǵan bolatyn.
