BQO: Batys Qazaqstanda aýa raıynyń buzylatyny jóninde taǵy da eskertý jarııalandy
ORAL. QazAqparat - Batys Qazaqstan oblysynda aýa raıynyń buzylatyny jóninde eskertý jarııalandy, dep habarlaıdy QazAqparat tilshisi.
«Qazgıdromet» RMK BQO fılıalynyń málimetine qaraǵanda, jyldyń alǵashqy kúni óńirdiń keı jerlerinde tuman túsip, kóktaıǵaq bolady, burqasyn kóteriledi.
Ońtústik-batystan soǵatyn jeldiń jyldamdyǵy túnde sekýndyna 15-20 metrge jetýi yqtımal.
Oral qalasynda da tuman túsip, kóktaıǵaq bolady. Jeldiń ekpini sekýndyna 18 metrge jetedi.
Osyǵan baılanysty BQO TJ departamenti óńirde tótenshe jaǵdaılardy boldyrmaý maqsatynda tıisti sharalar alynyp jatqandyǵyn habarlady.
