BQO: Basyna muz qulaǵan er adamnyń ólimi boıynsha qylmystyq is qozǵaldy
ORAL. QazAqparat - Oralda basyna muz qulaǵan qarııanyń ólimine baılanysty tergeý júrgizilýde, dep habarlaıdy QazAqparat tilshisi.
Oral qalalyq ishki ister basqarmasy jergilikti polıtsııa qyzmetiniń basshysy Músilim Járdemovtiń aıtýynsha, atalǵan derek boıynsha QR QK 156-baby 3-bóligine sáıkes (adam ólimine soqtyrǵan eńbek qorǵaý erejesin buzý) «Nur» páter ıeleri kooperatıvine qatysty qylmystyq is qozǵalyp, tergeý amaldary júrgizilýde.
Oral qalalyq turǵyn úı-kommýnaldyq sharýashylyǵy jáne turǵyn úı ınspektsııasy bóliminiń basshysy Baýyrjan Tuhvatovtyń sózine qaraǵanda, shaharda barlyǵy 103 PIK bar. Olardyń bárine de óz aýmaqtarynda tıisti jumystardy júrgizý jóninde aldyn ala aıtylyp, eskertildi, sonyń ishinde «Nur» kooperatıvi (basshysy Aleksandr Lýkıanov - avt.) de bar. PIK-terdiń kópqabatty úıdiń tóbesindegi muz súńgilerin alatyndaı úlken tehnıkalary joq bolǵandyqtan, basqa mekemelerden kómek suralyp, biraz jumystar atqaryldy. Oqıǵa oryn alǵan Ǵumar Qarash kóshesi 33-úıdiń tóbesindegi muz súńgisi budan buryn bir márte tazalanǵan edi, qaıtadan jınalyp qalǵan.
Qazirgi kezde mundaı qaıǵyly oqıǵany boldyrmaý baǵytynda barlyq sharalar jasalýda.
Eske sala keteıik, keshe jetpis jasar qarııanyń basyna tóbeden muz kesegi qulap, kóz jumǵanyn jazǵan bolatynbyz.
