BQO aýrýhanasyna 3 reseılik maman jumysqa ornalasyp jatyr

ORAL. QazAqparat – BQO juqpaly aýrýlar aýrýhanasyna reseılik mamandar ornalasyp jatyr, dep habarlaıdy QazAqparat tilshisi..

Aýrýhana dırektory Nadııa Ahmetovanyń aıtýynsha, atalmysh emdeý mekemesine reseılik úsh maman jumysqa turmaqshy.

Onyń sózine qaraǵanda, aýrýhanaǵa qajetti mamandardy Telegram jelisindegi «Relokatsııa medıkov v Kazahstan» degen toptan tapqan.

«Ázirge Qazaqstanǵa kelgen eki dáriger qujattaryn jınap, rettep jatyr. Olardyń bireýi endoskopıst bolsa, ekinshisi – ınfektsıonıst. Úshinshisi – bakterıolog. Ol áli shekarada tur. Biz olarǵa tolyq keńes berýdemiz. Dárigerler áýeli kóshi-qon polıtsııasynda tirkelýi kerek. Áriptesterimiz qurǵan eriktiler toby turǵyn úı máselesin sheshýge járdemdesedi. Barlyq qujattary rásimdelgennen keıin zańdy negizde jumysqa alamyz», dedi N.Ahmetova.

BQO densaýlyq saqtaý basqarmasy baspasóz qyzmetiniń málimetine qaraǵanda, óńirde 271 dáriger jetispeıdi.

Eske sala keteıik, budan buryn Batys Qazaqstanda 113 túlektiń ákimdik grantynyń ıegeri atanǵanyn jazǵan bolatynbyz.

Sonyń ishinde 56 grant dárigerlik mamandyqty tańdaǵan jastarǵa berildi.

Eske sala keteıik, budan buryn Reseımen shekaradaǵy ahýal tolyq baqylaýda ekendigin jazǵan bolatynbyz.