BQO aýrýhanalarynda 500-den astam naýqas koronavırýstan em alyp jatyr
BQO densaýlyq saqtaý basqarmasynyń baspasóz hatshysy Aınagúl Saqposynovanyń aıtýynsha, sonyń ishinde Oral qalasynda 615 tósektik 7 aýrýhanada 404 adam em qabyldaýda.
Onyń sózine qaraǵanda, óńirde statsıonarlar sany 20-dan 19-ǵa qysqardy. Qaratóbe aýdanynda 20 oryndyq statsıonar jabyldy.
Oblysta 96 tósektik jansaqtaý bólimshelerinde 43 adam jatyr.
Sońǵy aptada aldyńǵymen salystyrǵanda, koronavırýs juqtyrý deńgeıi 5,2 paıyzǵa (39 adamǵa) tómendedi.
Іndet bastalǵannan beri tirkelgen 35 706 naýqastyń 27 723-i jazylyp shyqty. Qaıtys bolǵandar sany 700-ge jetti. Sonyń ishinde 26-sy sońǵy aptanyń úlesine tıedi.
«Bıyl jyl basynan beri 26 485 adam koronavırýs juqtyrdy. Іndetpen aýyrǵan 2227 balanyń 2143-i emdelip shyqty. 84-i em qabyldaýda», dedi A.Saqposynova.
Eske sala keteıik, budan buryn BQO-da koronavırýs juqtyrǵan 70-ke jýyq balanyń em alyp jatqanyn jazǵan bolatynbyz.
Sondaı-aq Batys Qazaqstanda jalǵan vaktsına qujatyn paıdalanǵan adam ustaldy.