BQO aýmaǵyndaǵy joldardyń qurylysyna 30 mlrd teńge bólindi

ASTANA. QazAqparat – Indýstrııa jáne ınfraqurylymdyq damý mınıstrligi Avtomobıl joldary komıteti tóraǵasynyń orynbasary Amangeldi Bekov Batys Qazaqstan oblysyndaǵy joldardy jóndeýge qatysty túsinik berdi, dep habarlaıdy QazAqparat tilshisi.

«Memleket basshysynyń tapsyrmasyn oryndaý maqsatynda 2019 jyly 248 shaqyrym avtojol kúrdeli jóndeýmen qamtyldy», - dedi A. Bekov Ortalyq kommýnıkatsııalar qyzmetindegi baspasóz máslıhatynda.

Bul turǵyda «Qaztalov - Jánibek – RF shekarasy» avtojolynyń 145 shaqyrymy jáne «Ónege-Beısen-Saıqyn» avtojolynyń 103 shaqyrymy eskerilgen.

«Bıyl respýblıkalyq bıýdjet qarajatynan 30 mlrd teńge bólindi. Onyń esebinen jyl aıaǵyna deıin avtojoldyń búkil uzyndyǵy boıynsha kólik qozǵalysyn qamtamasyz etý josparlanǵan. Qazirgi ýaqytta bul nysandarda jol-qurylys materıaldaryn daıyndaý jumystary atqarylyp jatyr», - dedi komıtet basshysynyń orynbasary.

Budan buryn habarlanǵandaı, 2023 jyldyń qorytyndysy boıynsha normatıvtik jaǵdaıdaǵy joldardyń úlesi respýblıkalyq jeli boıynsha 92 paıyzǵa jáne jergilikti jeli boıynsha 87 paıyzǵa deıin jetkizilmek.

Jyl aıaǵyna deıin «Ortalyq – Ońtústik» dálizi boıynsha jol ýchaskeleri ashylady.