BQO aýmaǵynda qylmys jasaǵan Ázirbaıjan eliniń azamaty sottaldy
ORAL. Naýryzdyń 1-i. QazAqparat /Eljan Eraly/ - BQO aýmaǵynda qylmys jasaǵan Ázirbaıjan eliniń azamaty A.Muradov sottaldy.
Oblystyq prokýratýranyń baspasóz qyzmetinen QazAqparat tilshisine habarlaǵanyndaı, atalǵan azamat 2007 jyly «Aýdı V4» avtomashınasymen Atyraý-Oral tas joly boıynda jol erejesin óreskel buzyp, sonyń saldarynan aýdarylǵan kóligindegi eki birdeı jolaýshy qaza tabady. Osy fakti boıynsha qylmystyq is qozǵalyp, qashyp ketken A.Muradovqa izdeý jarııalanyp, aıyp taǵylady. Bul is atalǵan azamat Ázirbaıjanda turatyndyqtan, ótken jyly sol elge jiberilgen bolatyn. Ázirbaıjan Bas prokýratýrasynan A.Muradovtyń jol qozǵalysy men kólik quralyn paıdalaný erejesin buzǵany úshin bes jylǵa bas bostandyǵynan aıyrylǵany jóninde habar keldi.
