BQO aýmaǵynan ushqyshsyz ushatyn apparat tabyldy
ORAL. KAZINFORM — Batys Qazaqstan oblysy aýmaǵynda ushqyshsyz ushatyn apparattyń qulaǵany jóninde aqparat tarady.
BQO polıtsııa departamentiniń baspasóz qyzmetinen málim etkenindeı, qazirgi kezde vedomstvo ýákiletti qyzmettermen birlesip, Aqjaıyq aýdanynda ushqyshsyz ushý apparatynyń synyqtaryna uqsas zattardyń tabylý deregi boıynsha tekserý jumystaryn júrgizip jatyr.
— Atalǵan nysan eldi mekennen tys aýmaqtan tabylǵan. Oqıǵanyń barlyq mán-jaıy anyqtalyp jatyr, — dep habarlady departamenttiń baspasóz qyzmeti.
Turǵyndardyń sózine qaraǵanda, ushqyshsyz ushatyn apparat Qaraýyltóbe aýyly mańyna qulaǵan.
Mundaı oqıǵa oblys aýmaǵynda ótken jyly birneshe ret bolǵan edi.
Eske sala keteıik, budan buryn Batys Qazaqstanda ushqyshsyz ushatyn apparat qulaǵanyn jazǵan bolatynbyz.