BQO ákimi Narıman Tóreǵalıev referendýmǵa qatysyp, daýys berdi
ORAL. KAZIFORM – Búgin respýblıka aýmaǵynda jalpyulttyq referendým ótip jatyr. Bir ǵana BQO-nyń ózinde 500-ge jýyq ýchaskelik komıssııa jumys istep jatyr.
Aıta keteıik, bul táýelsiz Qazaqstan tarıhyndaǵy tórtinshi referndým.
Sońǵy jyldary eldegi elektr energııasyn tutynýǵa degen suranystyń artýy sebepti halyqty úzdiksiz energııa kózimen qamtý máselesi qaralyp jatyr.
Sol úshin halyq «elge atom elektr stantsııasy qajet pe, joq pa?» degen suraqqa jaýap beredi. Búgingi referendýmǵa BQO ákimi Narıman Tóreǵalıev te qatysyp, daýys berdi.
Jýrnalısterge qysqasha ǵana suqbat bergen aımaq basshysy BQO-nyń ózinde elektr energııasynyń tapshylyǵy seziletinin aıtty.
Eske sala keteıik, Batys Qazaqstan oblysynda 510 referendým komıssııasy, onyń ishinde 14 aýmaqtyq referendým komıssııasy 496 ýchaskelik komıssııa jumys jasap jatyr. Konstıtýtsııalyq zań aıasynda qabyldanǵan sheshimderine sáıkes, daýys berý tańǵy saǵat 07.00-de bastaldy. Batys Qazaqstan oblysynda barlyǵy 496 ýchaske jumys jasap jatyr.
Referendým kúni energetık shańyraq kóterdi.
