BQO ákimi Dýbaıda top jarǵan Kabırhan tulpardyń ıesin qabyldady
ORAL. KAZINFORM - Batys Qazaqstan oblysynyń ákimi Narıman Tóreǵalıev Dýbaıda top jarǵan Kabırhan tulpardyń ıesi, kásipker Tilek Muhanbetqalıevti qabyldady.
Oblys basshysy Tilek Muhanbetqalıevti úzdik arǵymaq baptap, álemdik dodada jeńiske jetýimen quttyqtady.
«Bul — barsha Qazaqstannyń tabysy. Elimizdiń kók týy kezekti ret álemdik arenada asqaqtap, mereıimiz ústem boldy. Bul jeńis óńirimizde, jalpy elimizde at sportynyń damýyna serpin beredi» - dedi Narıman Tóreǵalıev.
Tilek Muhanbetqalıev aımaqtaǵy at sportynyń damýyna qoldaý kórsetip otyrǵany úshin oblys basshylyǵyna alǵys bildirip, bıyl Qazaqstanda ótetin Dúnıejúzilik kóshpendiler oıynynda BQO atynan báıgege sáıgúlik qosýǵa daıyn ekendigiń jetkizdi.
Eske sala keteıik, budan buryn qazaqstandyq Kabırhannyń Dýbaıda ótken jarysta taǵy da top jarǵanyn jazǵan bolatynbyz.
