BQO ákiminiń orynbasary polıtseıdiń ıntımdik sýretterine qatysty túsinik berdi
ASTANA. QazAqparat - Batys Qazaqstan oblysy ákiminiń birinshi orynbasary Arman Óteǵulov áleýmettik jelige tarap ketken polıtseı men áıeldiń ıntımdik fotosýretterine qatysty pikir bildirdi, dep habarlaıdy «QazAqparat» HAA tilshisi.
Atap ótken jón, buǵan deıin oraldyq polıtsııa qyzmetkeriniń qyzmet qarýymen jáne aldyn ala boljam boıynsha jeńil júristi áıelmen túsken fotosýreti áleýmettik jelige tarap ketken edi.
«Búgin tańerteń polıtsııa basshysy bul máseleni baıandady. Qyzmettik tekserý júrip jatyr, biraz ýaqyttan keıin BAQ-qa tolyqqandy ári naqty jaýap beremiz degen oıdamyn. Bul árıne, polıtseıdiń jeke basynyń máselesi», - dedi Arman Óteǵulov.
Qyzmettik tekserý qorytyndysy búgin jarııalandy. Polıtsııa qyzmetkeri men áıeldiń ıntımdik fotosýretteri faktisi boıynsha BQO ІІD polıtseıdi jumystan shyǵarýǵa negiz tappady. Ózindik qaýipsizdik basqarmasy fotodaǵy áıeldiń jezókshe emes jáne fotosýretter onyń jeke arhıvinen urlandy dep sanaıdy.
«Atalǵan fakti boıynsha BQO ІІD jetekshiligimen qyzmettik tekserý jumystary júrgizildi. Tekserý barysynda fotosýrettegi áıeldiń «jeńil júristi» emes, polıtsııa ınspektorynyń tanysy ekeni anyqtaldy. Al jasyryn túsirilimdi áıeldiń ózi jeke maqsatta iske asyrǵan. Túsirilim júrgizilgen páter ýchaskelik ınspektordyń tanysyna tıesili jáne bul páter tarap ketken aqparatta aıtylǵandaı «Pentagon» aýdanynda ornalaspaǵan», - delingen BQO ІІD-niń habarlamasynda.
Sondaı-aq, BQO ІІD Ózindik qaýipsizdik basqarmasyna polıtsııa maıory E.N. Qaıýpov atynan aryz tústi. Aryz boıynsha QR Qylmystyq kodeksiniń 147-baby, 1-bóliminde qarastyrylǵan (Jeke ómirge qolsuǵylmaýshylyqty jáne Qazaqstan Respýblıkasynyń derbes derekter jáne olardy qorǵaý týraly zańnamasyn buzý) qylmystyq quqyqbuzýshylyq belgileri boıynsha sotqa deıingi tergeý jumystary júrip jatyr.
